2025-2026-oqıw jılı ushın magistratura basqıshına qabıllaw nátiyjeleri tastıyıqlandı hám joqarı oqıw orınlarına jetkerildi.

Sonday-aq, Ministrler Kabinetiniń qararına muwapıq, belgilengen kvota sheńberinde oqıwǵa kire almaǵan abiturientler ushın qosımsha qabıllaw imkaniyatı bar.

Bunda joqarı oqıw orınlarınıń quwatlılıǵı, materiallıq-texnikalıq bazası hám professor-oqıtıwshılar quramı esapqa alınadı.

Qosımsha qabıllaw parametrleri Joqarı bilimlendiriw, ilim hám innovaciyalar ministrligi menen kelisilgen halda tastıyıqlanadı.

Joqarıdaǵılardan kelip shıǵıp, qosımsha qabıllawda qatnasıwdı qáleytuǵın talabanlar kerekli maǵlıwmatlardı alıw ushın joqarı oqıw ornınıń qabıllaw komissiyası yamasa magistratura bólimine múrájat etiwi múmkin.

Eskertiw: mámleketlik joqarı oqıw orınlarınıń magistraturasına qosımsha qabıllaw tiykarında oqıwǵa qabıllanǵan abiturientlerdiń tólemli kontrakt summası bir studentke tuwrı keletuǵın real qárejetlerden kelip shıǵıp, joqarı oqıw ornı tárepinen erkin túrde belgilenedi.

Joqarı bilimlendiriw, ilim hám innovaciyalar ministrliginiń málimleme xızmeti.