Qaraqalpaqstan jasları ushın mámleketlik joqarı oqıw orınlarına ajıratılǵan 500 maqsetli kvota sheńberinde hújjet tapsıratuǵın talabanlar 2025-jıl 24-30-sentyabr kúnleri Bilimdi bahalaw agentliginiń my.uzbmb.uz saytı arqalı dizimnen ótiw imkaniyatına iye bolǵan edi.

Búgin dizimnen ótiwdiń sońǵı kúni esaplanadı. Bul haqqında Bilimdi bahalaw agentliginiń rásmiy Telegram kanalında xabar berildi.

Dizimnen ótken abiturientler ózleri tólemli kontrakt tiykarında studentlikke usınıs etilgen joqarı oqıw ornı hám tálim baǵdarı boyınsha mámleketlik grant ushın maqsetli tańlawda qatnasadı.

Tańlaw nátiyjeleri 2025-jıl 4-oktyabrge shekem my.uzbmb.uz saytında járiyalanadı.

Esletip ótemiz, bul tańlawda mámleketlik joqarı oqıw orınlarınıń bakalavriat tálim baǵdarlarına kiriw imtixanında 68,0 hám onnan joqarı ball toplaǵan, kúndizgi bilimlendiriw formasına tólemli kontrakt tiykarında studentlikke usınıs etilgen abiturientler qatnasıwı múmkin.

NMPI baspasóz xızmeti.