Ájiniyaz atındaǵı Nókis mámleketlik pedagogikalıq institutında ilimiy jumıslardıń nátiyjeliligin arttırıw, innovaciyalıq ideyalardı qollap-quwatlaw hám jańa oqıw jılında ámelge asırılıwı belgilengen baslı wazıypalardı belgilew maqsetinde kafedralardıń basshıları hám tiyisli juwapkerleri menen ushırasıw bolıp ótti.

Ushırasıwda ilimiy isler hám innovaciyalar boyınsha prorektor Quwanıshbay Seytnazarov tárepinen professor-oqıtıwshılardıń ilimiy potencialın ele de arttırıw, xalıqaralıq birge islesiwdi keńeytiw, ilimiy maqalalar hám monografiyalardı baspadan shıǵarıw, sonday-aq, studentler qatnasıwında innovaciyalıq joybarlardı jolǵa qoyıw máseleleri boyınsha prezentaciya islenip, aldaǵı wazıypalar dodalandı.

Sonday-aq, ilimiy-izertlew nátiyjelerin ámeliyatqa engiziw, grant joybarlarında belsene qatnasıw hám kafedralar kesiminde perspektivalı baǵdarlardı belgilep alıw boyınsha usınıslar berildi.

Ushırasıw sońında ilimiy jumıslardıń nátiyjeliligin arttırıw hám innovaciyalıq ideyalardı qollap-quwatlaw boyınsha anıq wazıypalar belgilep alındı.

NMPI baspasóz xızmeti.