Ájiniyaz atındaǵı Nókis mámleketlik pedagogikalıq institutı Filologiya fakultetinde elimizdiń bilimlendiriw sistemasındaǵı eń ullı hám qádirli bayramlarınıń biri – Muǵallimler hám ustazlar kúni múnásibeti menen bayram ilajı bolıp ótti.

Ilajǵa fakultet professor-oqıtıwshıları, tyutorlar, belsendi studentler hám veteran ustazlar qatnastı. Bayram qızǵın qutlıqlawlar, jıllı sózler hám muǵallimlerdiń pidákerlik miynetin bahalawǵa baǵıshlandı.

Sonday-aq, bir qatar ustazlar jas áwladtı tárbiyalawdaǵı pidayılıǵı hám bilimlendiriw procesindegi jetiskenlikleri ushın estelik sawǵaları hám minnetdarshılıq xatları menen sıylıqlandı.

Bayram ilajı student-jaslardıń dóretiwshilik shıǵıwları, qosıq hám ayaq-oyınları, ustazlarǵa baǵıshlanǵan qızǵın tilekleri menen jáne de kóterińki ruwxta ótti.

Ilaj sońında barlıq qatnasıwshılarǵa Muǵallimler hám ustazlar kúni múnásibeti menen jaqsı tilekler bildirildi.