Ájiniyaz atındaǵı Nókis mámleketlik pedagogikalıq institutı Mektepke shekemgi hám baslawısh tálim fakultetinde Muǵallimler hám ustazlar kúni múnásibeti menen bayram ilajı bolıp ótti. Onda professor-oqıtıwshılar, tyutorlar, studentler hám veteran ustazlar qatnastı.

Ilaj dawamında ustaz hám oqıtıwshılardıń pidayı miyneti, jas áwladtıń tárbiyasına qosıp atırǵan úlesi ayrıqsha atap ótildi. Institut rektoratı, kásiplik awqamı komiteti hám fakultet basshıları tárepinen bir qatar oqıtıwshılarǵa minnetdarshılıq xatları hám estelik sawǵaları tapsırıldı.

Studentler tárepinen tayarlanǵan kórkem shıǵıwlar, qosıq hám ayaq-oyınlar bayramǵa ózgeshe ruwx baǵıshladı. Ilaj qızǵın pikirlesiw, jaqsı tilekler menen juwmaqlandı.

Bul bayram ustazlarǵa húrmet kórsetiw menen birge bilimlendiriw procesinde pidayılıq hám mehir-muhabbattıń qanshelli áhmiyetli ekenin eske salatuǵın umıtılmas ilajlardıń biri boldı.