Ájiniyaz atındaǵı Nókis mámleketlik pedagogikalıq institutında Muǵallimler hám ustazlar kúnine baǵıshlanǵan saltanatlı bayram ilajı bolıp ótti. Onda professor-oqıtıwshılar, veteran ustazlar, tyutorlar, student-jaslar hám miymanlar qatnastı.

Ilajda instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Quvondiq Qodirov shıǵıp sóylep, taraw pidayılarınıń oqıw-tárbiya procesindegi miynetlerin, jas áwladqa berip atırǵan bilim hám tárbiyasın joqarı bahaladı. Institut basshıları atınan ustaz hám oqıtıwshılardı qızǵın qutlıqlap, olardıń pidákerlik xızmetleri ushın minnetdarshılıq bildirdi.

Ilajda instituttıń «Tumaris» xalıq ansambli, «Sıy perde» hám «Tarannum» ansamblleriniń aǵzaları, qábiletli student-jaslardıń atqarıwındaǵı kórkem shıǵıwlar, qosıq hám ayaq-oyınlar, dóretiwshilik baǵdarlamalar ilajǵa jáne de kóterińkilik baǵıshladı.

Bayram ruwxında ótken bul ilaj muǵallim hám ustazlarǵa bolǵan joqarı húrmettiń ayqın kórinisine aylandı.

NMPI baspasóz xızmeti.