Tashkent qalasındaǵı Olimpiya qalashasında usı jıldıń 1-5-oktyabr kúnleri sporttıń voleybol túri boyınsha hayal-qızlar arasında «Women’s Volleyball Championships» xalıqaralıq jarısı bolıp ótpekte.

Áhmiyetlisi, Ózbekstan saylandı komandası quramında Ájiniyaz atındaǵı Nókis mámleketlik pedagogikalıq institutı Pedagogika-psixologiya hám dóretiwshilik tálim fakulteti dene mádeniyatı tálim baǵdarınıń 3-kurs studenti Zulqumar Shımbergenova usı jarısta qatnaspaqta.

Jarıstıń saltanatlı ashılıw máresiminen soń Ózbekstan hám Tájikstan komandaları óz ara kúsh sınastı.

Qızǵın ótken oyın juwmaǵında jerleslerimiz qarsılas komandanı 3:0 esabında jeńip, jarıstı isenimli jeńis penen basladı.

Álbette, bul jeńiste institutımız studenti Zulqumardıń da úlesi ayrıqsha boldı.

Búgin saylandı komandamız Qırǵızstan komandası menen oyın ótkeredi.

Jarısta komandamız aǵzalarına áwmet tileymiz!

NMPI baspasóz xızmeti.