Ilajda dáslep Mektepke shekemgi hám mektep bilimlendiriwi ministri Ezoza Karimova forumǵa qatnasıp atırǵan miyman mámleketlerdiń wákillerine tereń minnetdarshılıq bildirdi hám Ózbekstandaǵı bilimlendiriw tarawındaǵı tiykarǵı reformalar, qońsılas mámleketler menen birgeliktegi bekkem baylanıslarǵa ayrıqsha toqtaldı.

Forumda sózge shıqqan Oraylıq Aziya mámleketleri (Ózbekstan, Qazaqstan, Qırǵızstan, Tájikstan, Túrkmenstan) bilimlendiriw tarawınıń wákilleri ilaj kún tártibindegi máseleler boyınsha óz pikirlerin bildirip ótti.

Ulıwmalıq májiliste birge islesiwshi ministrlik hám shólkemlerdiń basshıları forumnıń áhmiyeti hám xalıqlar arasındaǵı óz ara isenim jáne húrmetti bekkemlewdegi ornı haqqında pikir bildirip, Ózbekstandaǵı bilimlendiriw transformaciyası hám onda xalıqaralıq baylanıslardıń ornın joqarı bahaladı.

Maǵlıwmat ushın, forumda BMShnıń Ózbekstandaǵı turaqlı rezident-koordinatorı Sabina Maxl, Jáhán bankiniń Oraylıq Aziyadaǵı insan rawajlanıwı boyınsha baǵdarlama menedjeri Tazin Fasih, Aziya Rawajlanıw Banki Regionallıq ofisiniń direktorı Kanokpan Lao-Araya, Britaniya Keńesiniń Ózbekstandaǵı wákilxanası baslıǵı Maykl Xolgeyt, «Cambridge University Press & Assessment» Evropa, Oraylıq Aziya hám Amerika boyınsha joybar koordinatorı Stiv King, Marshall Cavendish Education shólkemi bas direktorınıń orınbasarı Hayri Abdulla Sallehuddin hám birneshe xalıqaralıq shólkemlerdiń wákilleri qatnastı.

Kúnniń ekinshi yarımında qatnasıwshılar sekciyalarǵa bólingen halda oqıw seminarı ilajlarında qatnaspaqta. Bul process Nókis qalasındaǵı Prezident mektebinde shólkemlestirilmekte.

Oraylıq Aziya pedagogları – bir region, bir hawaz, bir kúsh!