Shahrisabz mámleketlik pedagogikalıq institutı hám Gúlistan mámleketlik pedagogikalıq institutı wákillerinen ibarat delegaciya aǵzaları Ájiniyaz atındaǵı Nókis mámleketlik pedagogikalıq institutına keldi.

Miymanlar institut rektorı Alisher Ubbiyev qabıllawında boldı.

Ushırasıwda pedagogikalıq joqarı oqıw orınları aldına qoyılǵan wazıypalar, olardıń ámeliy áhmiyeti hám aldaǵı wazıypalar boyınsha pikir almasıldı.

Sonday-aq, ilim, bilimlendiriw hám innovaciyalıq baǵdarlarda eki tárepleme birge islesiwdi rawajlandırıw máseleleri dodalandı.

Ushırasıw juwmaǵında institut rektorı Alisher Ubbiyev Shahrisabz mámleketlik pedagogikalıq institutı rektorı Mashal Saidov, sonıń menen birge, Gúlistan mámleketlik pedagogikalıq institutı jaslar máseleleri hám ruwxıy-aǵartıwshılıq isleri boyınsha birinshi prorektorı Hilola Mamatovalar menen joqarı oqıw orınları arasında professor-oqıtıwshılar hám studentler almasıwın jolǵa qoyıw, qospa ilimiy joybarlar, seminar hám konferenciyalar shólkemlestiriw maqsetinde birge islesiw memorandumlarına qol qoydı.

Bunday ilajlar joqarı oqıw orınları arasındaǵı doslıq hám birge islesiw baylanısların ele de bekkemlewge xızmet etedi.

NMPI baspasóz xızmeti.