Ájiniyaz atındaǵı Nókis mámleketlik pedagogikalıq institutında student-jaslardıń jámiyetlik belsendiligin arttırıw, olardıń baslamaların qollap-quwatlaw hám óz pikirin erkin bildirip, liderlik pazıyletine iye jaslardı anıqlaw maqsetinde fakultetlerde Ózbekstan jaslar awqamı jetekshileri hám studentler keńesi basshıların saylaw processleri shólkemlestirildi.

Saylaw processlerinde Jaslar awqamı baslanǵısh shólkeminiń jetekshisi Erniyaz Qasımov qatnasıp, talabanlar hám olardıń studentler menen jetekshi sıpatında ámelge asırmaqshı bolǵan reje hám baslamaları haqqında tolıq maǵlıwmat berdi.

Nátiyjede, eń belsendi, intaker hám jámiyetshilik arasında abıroyǵa erisken studentler fakultetler kóleminde jaslar awqamınıń jetekshisi hám studentler keńesiniń basshısı etip saylandı.

Bul saylawlar jaslardıń sociallıq belsendiligin arttırıw hám institutta jaslar siyasatın nátiyjeli ámelge asırıwǵa xızmet etedi.

NMPI baspasóz xızmeti.