Ájiniyaz atındaǵı Nókis mámleketlik pedagogikalıq institutı jaslar máseleleri hám ruwxıy-aǵartıwshılıq isleri boyınsha birinshi prorektorı Quvondiq Qodirov Ellikqala fakultetinde bolıp, oqıw procesi hám studentlerge jaratılǵan sharayatlar menen jaqınnan tanıstı.

Sapar dawamında oqıw auditoriyaları, sport zalları hám dógereklerdiń jumısları kózden ótkerildi.

Sonday-aq, birinshi prorektor studentler turaq jayında bolıp, bul jerde jaslar menen islesiw, olardıń bos waqtın mazmunlı shólkemlestiriw, ruwxıy-aǵartıwshılıq jumıslarınıń nátiyjeliligin arttırıw baǵdarındaǵı jumıslardı kórip shıqtı.

Student-jaslar menen ushırasıw dawamında olardıń pikir-usınısları tıńlanıp, olar boyınsha jumıs alıp barıw boyınsha tiyisli tapsırmalar berildi.

Sapar juwmaǵında prorektor Quvondiq Qodirov fakultet jámáátine bilimlendiriw sapası hám tárbiyalıq jumıslardıń nátiyjeliligin arttırıwda bunnan bılay da juwapkershilik penen qatnasta bolıw zárúrligin atap ótti.

NMPI baspasóz xızmeti.