Tashkent qalasında «Jańa Ózbekstan talantları» atamasındaǵı xalıqaralıq tańlaw bolıp ótti.

Vokal, instrumental (sazendelik), xoreografiya, xor jámáátleri, súwretlew óneri (kórkem sızıw), kórkemlep oqıw, teatr sıyaqlı baǵdarlar boyınsha ótkerilgen tańlawǵa respublikamız hám ǴMDA mámleketlerinen kóplegen talantlı jaslar qatnastı.

Quwanıshlısı, usı xalıqaralıq tańlawda sazendelik baǵdarı boyınsha qatnasqan Ájiniyaz atındaǵı Nókis mámleketlik pedagogikalıq institutı Pedagogika-psixologiya hám dóretiwshilik tálim fakulteti muzıkalıq tálim baǵdarınıń 2-kurs studenti Erpolat Sharipov gran-pri jeńimpazı boldı hám Qazaqstan Respublikasında ótkeriletuǵın xalıqaralıq tańlawǵa jollamanı qolǵa kirgizdi.

Institutımız jámááti atınan xalıqaralıq tańlawda gran-pri jeńimpazı bolǵan studentimiz Erpolat Sharipovtı shın júrekten qutlıqlaymız!