Ájiniyaz atındaǵı Nókis mámleketlik pedagogikalıq institutı Anıq pánler fakultetinde 2-sanlı hám «Argoniya» mámleketlik-jeke menshik sheriklik tiykarında jumıs alıp barıp atırǵan studentler turaq jaylarında jasaytuǵın student-jaslar menen ushırasıw bolıp ótti.

Ushırasıwda fakultet dekanınıń jaslar menen islesiw hám ruwxıy-aǵartıwshılıq isleri boyınsha orınbasarı Xalmurat Esemuratov, hayal-qızlar máseleleri boyınsha másláhátshisi Gúlchehra Matqurbanova, tyutorlar hám pedagog-tárbiyashılar jaslar arasında jınayatshılıq hám huqıqbuzarlıqlardıń aldın alıw, instituttıń ishki tártip-qaǵıydalarına ámel etiw, kiyiniw, tazalıqtı saqlaw, óz ara qarım-qatnas mádeniyatı tuwralı maǵlıwmatlar berdi. Sonday-aq, studentlerdiń pikir-usınısların tıńladı.