Ájiniyaz atındaǵı Nókis mámleketlik pedagogikalıq institutında gúz-qıs máwsiminde studentler arasında hár qıylı unamsız hádiyselerdiń aldın alıw, sonday-aq, jaslar tálim-tárbiyasınıń áhmiyetli máselelerin dodalawǵa arnalǵan jıynalıs bolıp ótti.

Jıynalısqa instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Quvondiq Qodirov, rektor másláhátshisi Ǵulamjan Ibadullaev, fakultet dekanları, olardıń orınbasarları, tyutorlar, profilaktikalıq inspektorlar, psixologlar, jaslar awqamı baslanǵısh shólkemi hám fakultet jetekshileri, sonıń menen birge, tiyisli juwapker bólimlerdiń basshıları qatnastı.

Ilajda dáslep gúz-qıs máwsimine tayarlıq procesiniń barısı, ásirese, ijara úylerinde jasaytuǵın studentlerdiń qáwipsizligin támiyinlew, záhárli gazden zıyanlanıwınıń aldın alıw, bunıń ushın tiyisli tártipte úgit-násiyat jumısları menen birgelikte arnawlı otryadlar shólkemlestiriw arqalı ámeliy jumıslardı alıp barıw máseleleri kórip shıǵılıp, juwapkerlerge tapsırmalar bólistirildi.

Sonday-aq, jıynalısta institutta ótkerilip atırǵan keleshek saatları hám ruwxıylıq saatları ilajlarınıń nátiyjeliligin arttırıw boyınsha pikir-usınıslar tıńlandı.

Jıynalıs dawamında jaslar tálim-tárbiyasınıń basqa da áhmiyetli máseleleri kórip shıǵılıp, ámelge asırılatuǵın jumıslar belgilep alındı.

NMPI baspasóz xızmeti.