Ózbekstan Respublikasınıń «Mámleketlik til haqqında»ǵı Nızamı qabıl etilgeniniń 36 jıllıǵı hám 21-oktyabr – Ózbek tili bayramı kúni múnásibeti menen Ájiniyaz atındaǵı Nókis mámleketlik pedagogikalıq institutında «Til – millet maqtanıshı» atamasında ǵalabalıq diktant tańlawı bolıp ótti.

Jaslar awqamı baslanǵısh shólkemi hám Filologiya fakulteti tárepinen shólkemlestirilgen ilajǵa instituttıń barlıq fakultetlerinen 150 den aslam student-jaslar qatnasıp, mámleketlik til boyınsha óz bilim hám kónlikpelerin sınaqtan ótkerdi.

Ilajdıń tiykarǵı maqseti – jaslar arasında mámleketlik til boyınsha sawatlılıq hám imla mádeniyatın arttırıw, ózbek tiliniń abıroyın bunnan bılay da joqarılatıwdan ibarat boldı.

Tańlaw juwmaqları boyınsha mámleketlik til normalarına juwap beretuǵın eń jaqsı diktant jumısları anıqlanıp, jeńimpazlar hám sıylı orın iyeleri diplom jáne estelik sawǵaları menen sıylıqlanadı.

Bul baslama jaslar arasında ózbek tiline bolǵan húrmetti ele de bekkemlew, durıs jazıw mádeniyatın qáliplestiriw jolında úlken áhmiyetke iye boldı.

NMPI baspasóz xızmeti.