Xabarıńız bar, jańa oqıw jılınan baslap barlıq bilimlendiriw mákemelerinde ruwxıy-aǵartıwshılıq baǵdarındaǵı jumıslardıń nátiyjeliligin arttırıw maqsetinde «Keleshek saatı» sabaǵı ótkerilmekte.

Ájiniyaz atındaǵı Nókis mámleketlik pedagogikalıq institutında da hápteniń hár dúyshembi, shiyshembi hám sárshembi kúnleri akademiyalıq toparlar kesiminde «Ruwxıylıq hám keleshek saatı» sabaqları turaqlı shólkemlestirilmekte.

Usı tiykarda búgin, 20-oktyabr kúni instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Quvondiq Qodirov studentlerge «21-oktyabr – Ózbek tiline mámleketlik til biyligi berilgen kún» atamasındaǵı sabaǵın ótti.

Sabaq dawamında studentlerge ózbek tiline mámleketlik til biyligi berilgenliginiń tariyxıy áhmiyeti, onıń jámiyetlik turmıstaǵı ornı hám házirgi waqıtta mámleketlik til siyasatın bunnan bılay da rawajlandırıw boyınsha ámelge asırılıp atırǵan jumıslar haqqında tolıq maǵlıwmatlar berildi.

Institutta «Ruwxıylıq hám keleshek saatı» sabaqları joqarı shólkemleskenlik penen ótkerilmekte.

NMPI baspasóz xızmeti.