Ájiniyaz atındaǵı Nókis mámleketlik pedagogikalıq institutında ótkerilip atırǵan «Máripat taratıp» joybarı sheńberinde «Biz – bir shańaraq perzentlerimiz!» atamasındaǵı milletler aralıq tatıwlıq bayramı bolıp ótti.

Bayram ilajında instituttıń «Tumaris» xalıq ansambli, «Sıy perde», «Tarannum», «Baldáwren» ansamblleri aǵzaları, sonday-aq, talantlı studentleri atqarıwındaǵı hár qıylı milletlerdiń milliy qosıqları, ayaq-oyınları miymanlar hám qatnasıwshılar názerine usınıldı.

Joybar miymanları shayır Aziz Said hám jazıwshı Isomiddin Pulatov kóp milletli institut studentleri hám jámáátiniń awızbirshiligi hám doslıǵına joqarı baha berdi.

NMPI baspasóz xızmeti.