Ájiniyaz atındaǵı Nókis mámleketlik pedagogikalıq institutında oqıp atırǵan studentler arasında ruwxıy-aǵartıwshılıq hám tárbiyalıq jumıslardıń nátiyjeliligin arttırıw, kitapqumarlıqtı bunnan bılay da rawajlandırıw, kitapqumarlıq mádeniyatın keńnen úgit-násiyatlaw, sonday-aq, qábiletli jaslardı xoshametlew maqsetinde Filologiya fakulteti tárepinen «Jas kitapqumar» tańlawı ótkerildi.

Tańlaw qaraqalpaq, qazaq, rus hám túrkmen tillerinde «Men unatqan shıǵarma» hám «Eń bilimli kitapqumar» soraw-juwap shártleri tiykarında shólkemlestirildi.

Tańlawda hár bir fakultetten bir komandadan qatnastı.

Komandalardıń hár bir shárt boyınsha qatnasıwı tóreshiler quramı aǵzaları tárepinen bahalanıp barıldı.

Solay etip, tańlaw juwmaǵında «Nigilistler» komandası 1-orındı, «Ziywar» komandası 2-orındı, «Ádillik» komandası sıylı 3-orındı iyeledi.