Hár jılı 21-oktyabr kúni elimizde ózbek tiline mámleketlik til biyligi berilgen kún, yaǵnıy Ózbek tili bayramı kúni keńnen belgilenedi. Usı múnásibet penen Ájiniyaz atındaǵı Nókis mámleketlik pedagogikalıq institutı Ellikqala fakultetinde de bayram keypiyatı húkim súrdi.

Ilaj dawamında studentler ózleriniń dóretiwshilik shıǵıwları, saxnalıq kórinisleri, qosıq hám ayaq-oyınları arqalı ózbek tiliniń ullı tariyxı, ruwxıy qádiriyatı hám tartımlı gózzallıǵın sáwlelendirdi. Ózbek tiliniń xalqımız turmısındaǵı ornı, milliy maqtanısh hám ózligimiz tımsalı sıpatındaǵı áhmiyeti jáne bir márte eske alındı. Bayram ilajın fakultet dekanı E.Asamaddinov ashıp berip, til – millettiń ruwxı, onıń tariyxıy miyrası hám keleshekke jol kórsetiwshi nur ekenin atap ótti.

Sonday-aq, belsene qatnasqan studentler hám intalı toparlar fakultet basshıları tárepinen húrmet jarlıqları menen sıylıqlandı.