Ájiniyaz atındaǵı Nókis mámleketlik pedagogikalıq institutında ótkerilgen «Máripat taratıp» joybarı sheńberinde dóretiwshi ustazlar – «Sharq yulduzi» jurnalı bas redaktorınıń orınbasarı, belgili shayır, «Dóstlik» ordeniniń iyesi Aziz Said, «Zarafshon» gazetasınıń bólim baslıǵı, belgili jazıwshı Isomiddin Pulatov instituttıń 3-sanlı studentler turaq jayında bolıp, bul jerdegi sharayatlar menen tanıstı hám jaslar menen sáwbetlesti.

Sáwbetlesiw barısında miymanlar jataqxanada jaratılǵan imkaniyatlarǵa joqarı baha berip, jaslardı usınday sharayatlardan nátiyjeli paydalanıwǵa shaqırdı hám elimizdiń rawajlanıwı ushın múnásip úles qosatuǵın kadrlar bolıp jetilisiwin tiledi.

Ilaj dawamında poeziya hám prozaǵa qızıǵatuǵın studentler ustazlardan dóretiwshilik jumısları boyınsha másláhátler aldı.

NMPI baspasóz xızmeti.