Ózbekstan Respublikasınıń «Mámleketlik til haqqında»ǵı Nızamı qabıl etilgeniniń 36 jıllıǵı hám 21-oktyabr – Ózbek tili bayramı kúni múnásibeti menen Ájiniyaz atındaǵı Nókis mámleketlik pedagogikalıq institutında ótkerilgen ǵalabalıq diktant tańlawınıń jeńimpazları anıqlandı.

Jaslar awqamı baslanǵısh shólkemi hám Filologiya fakulteti tárepinen shólkemlestirilgen tańlawda 150 den aslam student-jaslar óz bilimlerin sınaqtan ótkerdi.

Tańlaw juwmaqları boyınsha mámleketlik til normalarına juwap beretuǵın eń jaqsı diktant jumısları anıqlanıp, jeńimpazlar hám sıylı orın iyeleri diplom hám institut kásiplik awqamı komiteti tárepinen tayarlanǵan sawǵalar menen sıylıqlandı.

Bul baslama jaslar arasında ózbek tiline húrmet, sawatlılıq hám imla mádeniyatın arttırıw jolında áhmiyetli qádemlerden biri boldı.

NMPI baspasóz xızmeti.