Erteń, 23-oktyabr kúni Nókis qalasındaǵı 1-sanlı sport mektebinde pitkeriwshilerdiń bántligin támiyinlew, olardıń kásiplik baǵdarın anıqlaw hám biznes baslamaların qollap-quwatlaw maqsetinde «TalabaExpo – 2025» kásiplik kórgizbesi bolıp ótedi.

Búgin shólkemlestiriwshiler hám barlıq joqarı oqıw orınları tárepinen tayarlıq jumısları qızǵın alıp barıldı.

Maǵlıwmat ornında atap ótiw kerek, «TalabaExpo – 2025» kásiplik kórgizbesinde 80 ge shamalas kárxana hám shólkemler 700 den aslam bos jumıs orınları menen qatnasıwı kútilmekte, sonıń menen birge, qatnasıwshılar ámeliyat hám stajirovkalarda qatnasıp, seminar-treningler hám isbilermenlik imkaniyatları menen tanısıw imkaniyatına iye boladı.

Bársheńizdi «TalabaExpo – 2025» kásiplik kórgizbesine mirát etemiz.