Usı jıldıń 23-oktyabr kúni paytaxtımız Nókis qalasında Ózbekstan Milliy bankiniń «Keleshekke qádem» baǵdarlaması sheńberinde «TalabaExpo – 2025» kásiplik kórgizbesi bolıp ótti.

Ilaj Qaraqalpaqstan Respublikası Joqarǵı Keńesi, «Ózmilliybank» AJ, Ózbekstan Respublikası Joqarı bilimlendiriw, ilim hám innovaciyalar ministrligi, Sawda-sanaat palatası, Kámbaǵallıqtı qısqartıw hám bántlik ministrligi menen birgelikte shólkemlestirildi.

Kórgizbeniń ashılıw máresiminde Qaraqalpaqstan Respublikası Joqarǵı Keńesiniń komitet baslıǵı Murat Atamuratov, Qaraqalpaqstan Respublikası Joqarı bilimlendiriw, ilim hám innovaciyalar ministri Amanjol Ayapov, «Ózmilliybank» AJ «Keleshekke qádem» orayınıń direktorı Elmurod Hoshimov sózge shıǵıp, pitkeriwshilerdiń bántligin támiyinlew, olardıń kásiplik baǵdarın anıqlaw hám biznes baslamaların qollap-quwatlaw maqsetinde ótkerilip atırǵan usı ilajdıń áhmiyetine toqtaldı.

Kórgizbe sheńberinde 80 ge shamalas kárxana hám shólkemlerdiń 700 ge shamalas bos jumıs orınları yarmarkası, ámeliyat hám stajirovkalar baǵdarlamaları, startap joybarlardıń prezentaciyaları bolıp ótti.

Sonday-aq, joqarı oqıw orınlarınıń studentleri «Muratbek mebel» kárxanasında bolıp, bul jerdegi jumıs procesi menen jaqınnan tanıstı.

NMPI baspasóz xızmeti.