Aldın xabar bergenimizdey, paytaxtımız Nókis qalasında pitkeriwshilerdiń bántligin támiyinlew, olardıń kásiplik baǵdarın anıqlaw hám biznes baslamaların qollap-quwatlaw maqsetinde «TalabaExpo – 2025» kásiplik kórgizbesi bolıp ótti.

Kórgizbe sheńberinde «Ózmilliybank» AJ «Keleshekke qádem» orayı tárepinen jaslar arasında jeńillikli kreditler hám finanslıq sawatlılıqtı úgit-násiyatlaw maqsetinde seminar-treningler, motivaciyalıq ushırasıwlar shólkemlestirildi.

Sonıń menen birge, «Keleshekke qádem» baǵdarlaması sheńberinde jeńillikli kredit alıp, óz isbilermenliklerin jolǵa qoyıp atırǵan bir topar pitkeriwshi studentlerge vaucherler tapsırıldı.

Ilajda joqarı oqıw orınlarınıń belsendi student-jasları hám kórgizbeni joqarı dárejede shólkemlestiriwge úles qosqan kárxana hám shólkemler, joqarı oqıw orınları, sonday-aq, banklerdiń jámáátlerine minnetdarshılıq xatları tapsırıldı.

NMPI baspasóz xızmeti.