Ájiniyaz atındaǵı Nókis mámleketlik pedagogikalıq institutı Anıq pánler fakultetinde «Programmalaw tilleri» páninen olimpiadanıń fakultet basqıshı ótkerilip, onda studentler programmalastırıw boyınsha bilim hám kónlikpelerin sınap kórdi, sonday-aq, ámeliy hám teoriyalıq máselelerdi sheshiwde belsendilik kórsetti.

Pán olimpiadası juwmaǵında jeńimpazlar hám sıylı orın iyeleri anıqlanıp, kelesi respublikalıq basqıshqa jollama berildi.

Instituttıń ilimiy isler hám innovaciyalar boyınsha prorektorı Quwanıshbay Seytnazarov usı pán olimpiadası jeńimpazları hám Anıq pánler fakultetiniń professor-oqıtıwshıları menen ushırasıp, 2026-jıldıń mart ayında informatika boyınsha bolıp ótetuǵın xalıqaralıq pán olimpiadasına qızǵın tayarlıqlar kóriw máselelerin dodaladı.

Student-jaslar hám olardıń ustazları menen bolıp ótken sáwbetlesiw dawamında xalıqaralıq pán olimpiadası ushın ayrıqsha tayarlıq alıp barıw, sonday-aq, studentlerdiń joqarı nátiyjelerge erisiwi ushın múnásip sharayatlar jaratıw boyınsha juwapkerlerge tiyisli tapsırmalar berildi.