Xabarıńız bar, Ájiniyaz atındaǵı Nókis mámleketlik pedagogikalıq institutında ruwxıy-aǵartıwshılıq baǵdarındaǵı jumıslardıń nátiyjeliligin arttırıw maqsetinde hápteniń dúyshembi, shiyshembi hám sárshembi kúnleri barlıq akademiyalıq toparlar kesiminde «Keleshek saatı» rubrikası tiykarında «Aǵartıwshılıq sabaqları» joqarı shólkemleskenlik penen ótkerilmekte.

Búgin, 28-oktyabr kúni institut rektorı Alisher Ubbiyev «Ózbekstan hám jáhán» atamasındaǵı «Aǵartıwshılıq sabaǵı»nda student-jaslarǵa Ózbekstannıń dúnya jámiyetshiligindegi ornı, roli hám áhmiyeti, mámleketimizdiń siyasiy, ekonomikalıq, mádeniy birge islesiw baǵdarları tuwralı maǵlıwmatlar berdi.

Jaslar sabaq dawamında elimizde ǵárezsizlik jıllarında erisilgen tabıslar, Ózbekstannıń xalıqaralıq shólkemlerdegi jumısları, sonday-aq, dúnya mámleketleri menen óz ara máplerge tiykarlanǵan baylanısları haqqında jańa bilim hám kónlikpelerge iye boldı.

Sonıń menen birge, institut rektorı jaslarǵa óz qánigeligin tereń meńgergen, shet tillerin jaqsı biletuǵın, zamanagóy texnologiyalardı jetik paydalana alatuǵın kadrlar bolıp jetisiw arqalı elimizdiń hár tárepleme rawajlanıwına úles qosa alatuǵın qánigeler bolıp jetisiwin tilep, buǵan erisiw ushın óz másláhátleri hám jol-jobaların berdi.

NMPI baspasóz xızmeti.