Búgin, 28-oktyabr kúninen Ájiniyaz atındaǵı Nókis mámleketlik pedagogikalıq institutında Qaraqalpaqstan Respublikasındaǵı mektepke shekemgi bilimlendiriw shólkemleriniń pedagogları ushın áhmiyetli psixologiyalıq qollap-quwatlaw baǵdarlaması – eki kúnlik «Teńsalmaqlıq» atamasındaǵı psixologiyalıq trening óz jumısın basladı.

Bul trening Ózbekstan Respublikası Mektepke shekemgi hám mektep bilimlendiriwi ministrligi tárepinen shólkemlestirilgen bolıp, ilajdıń tiykarǵı maqseti – tárbiyashılar, pedagoglar hám mektepke shekemgi bilimlendiriw shólkemleriniń xızmetkerlerine ishki teńsalmaqlıqtı saqlaw, professional salamatlıqtı bekkemlew, sonday-aq, balalar ushın emocionallıq normal ortalıqtı jaratıwǵa kómeklesiwden ibarat.

Baǵdarlamanıń baslı wazıypaları mektepke shekemgi bilimlendiriw shólkemleri xızmetkerleriniń emocionallıq salamatlıǵın tiklew hám qollap-quwatlaw, pedagoglardı ámeliy texnikalar, ózin-ózi basqarıw hám emocionallıq qollap-quwatlaw kónlikpelerine úyretiw, emocionallıq intellekt hám professional motivaciyanı rawajlandırıw, bilimlendiriw ortalıǵında emocionallıq hám fizikalıq zorlıq jaǵdaylarınıń aldın alıwdan ibarat bolıp tabıladı.

Eki kún dawamında qánigeler zamanagóy psixologiyalıq metodlardı ózlestiredi, ámeliy shınıǵıwlardı orınlap, tájiriybe almasadı.

Trening lekciya modulleri hám interaktiv shınıǵıwlardı óz ishine alǵanı ushın baǵdarlama maksimal dárejede ámeliy jáne paydalı esaplanadı.

Trening 29-oktyabrge shekem dawam etedi.

NMPI baspasóz xızmeti.