Ájiniyaz atındaǵı Nókis mámleketlik pedagogikalıq institutı oqıw isleri boyınsha prorektorı Muxtar Ibragimov student-jaslar ushın «Keleshek saatı» rubrikası tiykarında ótkerilip atırǵan «Aǵartıwshılıq sabaǵı»nda qatnasıp, «Ózbekstan hám jáhán» atamasında jaslar menen sáwbetlesiw alıp bardı.

Ilaj dawamında studentlerge búgingi globallasıw procesinde elimizdiń xalıqaralıq maydandaǵı ornı, sociallıq-ekonomikalıq reformalar, jaslardıń zamanagóy bilim hám kásiplerdi iyelewi ushın jaratılıp atırǵan sharayatlar, jaslarǵa baylanıslı mámleketlik siyasattıń baslı baǵdarları tuwralı turmıslıq mısallar arqalı maǵlıwmatlar berildi.

Sonday-aq, Ózbekstannıń dúnya jámiyetshiligindegi abıroyı, xalıqaralıq birge islesiw baylanıslarınıń keńeyip atırǵanı, jaslardıń xalıqaralıq ilimiy, mádeniy hám bilimlendiriw joybarlarında belsene qatnasıwı úlken áhmiyetke iye bolıp atırǵanı atap ótildi.

Sabaq juwmaǵında studentler menen ashıq sáwbetlesiw ótkerilip, olardıń qızıqtırǵan sorawlarına juwap berildi hám tema boyınsha pikir-usınıslar tıńlandı.

NMPI baspasóz xızmeti.