Ájiniyaz atındaǵı Nókis mámleketlik pedagogikalıq institutı jaslar máseleleri hám ruwxıy-aǵartıwshılıq isleri boyınsha birinshi prorektorı Quvondiq Qodirov «Keleshek saatı» rubrikası tiykarında shólkemlestirilgen «Aǵartıwshılıq sabaǵı»na qatnasıp, student-jaslar ushın «Ózbekstan hám jáhán» atamasında sabaq ótti.

Sabaq procesinde Ózbekstannıń sońǵı jıllarda dúnya kóleminde abıroyınıń artıp baratırǵanlıǵı dáliller hám turmıslıq mısallar menen túsindirildi.

Jaslar sabaq dawamında Prezidentimizdiń xalıqaralıq maydanda Watanımızdıń mártebesin bunnan bılay da arttırıw jolında alıp barıp atırǵan siyasatı, Ózbekstannıń dúnya jámiyetshiligindegi ornı, roli hám strategiyalıq áhmiyeti tuwralı keń túrde maǵlıwmatlarǵa iye boldı.

Sonıń menen birge, olar elimizdiń siyasiy turaqlılıǵı, ekonomikalıq reformalar, mádeniy miyrastı dúnyaǵa tanıtıw procesi, xalıqaralıq shólkemlerdegi jumısları, eki hám kóp tárepleme birge islesiw formaları haqqında jańa bilimlerdi ózlestirdi.

«Aǵartıwshılıq sabaǵı» óz ara pikir almasıw hám soraw-juwaplar menen qızǵın ruwxta ótti.

NMPI baspasóz xızmeti.