Xabarıńız bar, Ájiniyaz atındaǵı Nókis mámleketlik pedagogikalıq institutında ruwxıy-aǵartıwshılıq baǵdarındaǵı jumıslardıń nátiyjeliligin arttırıw maqsetinde hápteniń dúyshembi, shiyshembi hám sárshembi kúnleri barlıq akademiyalıq toparlar kesiminde «Keleshek saatı» rubrikası tiykarında «Aǵartıwshılıq sabaqları» joqarı shólkemleskenlik penen ótkerilmekte.

Búgin, 29-oktyabr kúni instituttıń ilimiy isler hám innovaciyalar boyınsha prorektorı Quwanıshbay Seytnazarov Tariyx fakulteti studentleri ushın «Ózbekstan hám jáhán» atamasında «Aǵartıwshılıq sabaǵı»n ótti.

Jaslar sabaq dawamında elimizde ǵárezsizlik jıllarında erisilgen tabıslar, Ózbekstannıń xalıqaralıq shólkemlerdegi jumısları, sonday-aq, dúnya mámleketleri menen óz ara máplerge tiykarlanǵan baylanısları haqqında jańa bilimlerge iye boldı.

Sonıń menen birge, prorektor studentler ushın zamanagóy málimleme texnologiyaları, olardıń imkaniyatlarınan nátiyjeli paydalanıw, innovaciyalıq startap joybarlardı islep shıǵıw hám grant baǵdarlamalarında qatnasıw boyınsha jol-jobalar hám másláhátler berip, olar menen pikir almastı.

Ilaj juwmaǵında prorektor fakultette ilimiy-pedagogikalıq baǵdarda ámelge asırılıp atırǵan jumıslardıń barısı menen tanıstı.

NMPI baspasóz xızmeti.