Noyabr-fevral aylarında hár bir ay ushın 500 kub metrge shekem, mart-oktyabr aylarında bolsa hár ay ushın 100 kub metrge shekem «bazalıq norma» belgilengen.

Gúz-qıs máwsiminde tábiyiy gazden paydalanıw joqarı bolǵanlıǵı sebepli Qaraqalpaqstan Respublikası hám Xorezm wálayatında oktyabr-fevral aylarında bir aylıq «bazalıq norma» 500 kub metr ámel etedi.

Sonday-aq, Prezident qararı tiykarında, mútáj shańaraqlarǵa paydalanılǵan elektr energiyası hám tábiyiy gaz ushın mámleket tárepinen hár ayda kompensaciya beriledi.

Kompensaciya muǵdarı:
Elektr energiyası ushın – ayına bazalıq normadan artıq (200 kVt/saattan keyingi) 150 kVt/saatqa shekem;
Tábiyiy gaz ushın – qıs aylarında 250 kub metrge shekem, basqa aylarda 150 kub metrge shekem bazalıq normadan artıq paydalanılǵan bólegi ushın kompensaciya beriledi.

Aldın kompensaciyalar tek ǵana qıs aylarında ámel etken bolsa, endi – jıl dawamında hár ayda berilmekte.

Sonday-aq, 2025-2026-jılǵı jılıtıw máwsimi ushın noyabr ayında hár bir mútáj shańaraqqa 1 million sumnan materiallıq járdem ajıratıladı.