Ájiniyaz atındaǵı Nókis mámleketlik pedagogikalıq institutında Jaslar awqamı baslanǵısh shólkemi baslaması menen studentlerdiń bos waqıtların mazmunlı ótkeriw, kibersport túrlerine bolǵan qızıǵıwshılıǵın qollap-quwatlaw hám xoshametlew maqsetinde fakultetler arasında kibersport boyınsha jarıs shólkemlestirildi.

«Counter-Strike 1.6» boyınsha ótkerilgen jarısqa hár bir fakultetten ulıwma 5 adamnan ibarat komandalar qatnastı.

Oǵada qızǵın túrde ótken jarıs juwmaǵında:

1-orın – Anıq pánler fakulteti;
2-orın – Pedagogika-psixologiya hám dóretiwshilik tálim fakulteti;
3-orın – Tábiyiy pánler fakulteti komandalarına nesip etti.

Jeńimpazlar hám sıylı orın iyeleri diplom hám institut kásiplik awqamı komiteti tárepinen tayarlanǵan sawǵalar menen sıylıqlandı.