Usı jıldıń 28-oktyabr – 3-noyabr kúnleri aralıǵında «Yuksalish» háreketiniń baslaması menen Qaraqalpaqstan Respublikası qan quyıw orayında «Biz – donormız!» atamasındaǵı donorlıq-qayırqomlıq akciyası ótkerilmekte.

Bul akciyaǵa Ájiniyaz atındaǵı Nókis mámleketlik pedagogikalıq institutı jámááti aǵzaları da belsene qatnaspaqta.

Baslamanıń maqseti – donorlıq qan rezervin tolıqtırıw hám jámiyette donorlıq mádeniyatın rawajlandırıw bolıp esaplanadı. Sonday-aq, akciya jámiyette óz ara járdem mádeniyatın qáliplestiriw, bul processtiń áhmiyetin keńnen túsindiriw, sonday-aq, donor qanınıń jetispewshiligi mashqalasına jámiyetshiliktiń itibarın tartıw bolıp esaplanadı.