Xabarıńız bar, Ájiniyaz atındaǵı Nókis mámleketlik pedagogikalıq institutında student-jaslar arasında ata-babalarımızdan miyras bolıp kiyatırǵan milliyligimizdi úgit-násiyatlaw maqsetinde hápteniń juma kúni «Milliy kiyimler kúni» sıpatında keń túrde belgilenip kelinbekte.

Usı ilajlar sheńberinde, búgin, 31-oktyabr kúni instituttıń Anıq pánler fakultetinde milliy taǵamlar festivalı shólkemlestirildi.

– Fakultetimizde Ózbekstan Respublikasınıń barlıq aymaqlarınan kelgen studentler oǵada awızbirshilikte, doslıq ortalıǵında bilim almaqta. Búgingi festivalda olar ózleriniń aymaqlarınıń milliy taǵamların tayarlap, kórgizbege qoydı. Bunnan maqset – jaslar arasında milletler aralıq tatıwlıqtı úgit-násiyatlaw, babalarımızdan miyras bolıp kiyatırǵan úrp-ádetlerdiń mazmunı hám áhmiyetin jaslarımızǵa jetkerip beriw bolıp tabıladı, – deydi fakultet dekanınıń orınbasarı Xalmurat Esemuratov.

Festivalda fakultettiń talantlı studentleri qosıqlar atqardı, sonday-aq, ónerli jaslardıń qol miyneti úlgileriniń kórgizbesi de ótkerildi.

NMPI baspasóz xızmeti.