Paytaxtımız Nókis qalasında Qaraqalpaqstan Respublikası Mektepke shekemgi hám mektep bilimlendiriwi ministrligi hám Respublikalıq balalar kitapxanası tárepinen «Kitapqumarlıq festivalı» ótkerildi.

Xalqımız, sonıń ishinde, keleshek iyeleri bolǵan oqıwshı jaslar arasında kitapqumarlıq mádeniyatın úgit-násiyatlaw, olardıń kitap oqıwǵa bolǵan qızıǵıwshılıǵın qollap-quwatlaw maqsetinde shólkemlestirilgen festival sheńberinde birneshe tańlawlar bolıp ótti.

Quwanıshlısı, festival sheńberinde ótkerilgen «Eń kitapqumar shańaraq» tańlawında Ájiniyaz atındaǵı Nókis mámleketlik pedagogikalıq institutı Pedagogika-psixologiya hám dóretiwshilik tálim fakulteti dekanınıń jaslar menen islesiw hám ruwxıy-aǵartıwshılıq isleri boyınsha orınbasarı Tursınbay Seytniyazovtıń shańaraǵı jeńimpaz dep tabıldı.

NMPI baspasóz xızmeti.