Ájiniyaz atındaǵı Nókis mámleketlik pedagogikalıq institutı Tariyx fakulteti tariyx tálim baǵdarınıń 3-kurs studenti Jasurbek Nurullayev usı jıldıń 25-oktyabr – 1-noyabr kúnleri Hindstannıń Nyu Deli qalasındaǵı Tagor International School oqıw ornında shólkemlestirilgen mádeniyat hám bilimlendiriw almasıwı baǵdarlamasında qatnasıp qayttı.

– Bul baǵdarlama sheńberinde elimizdiń belsendi student-jasları qatarında men de xalıqaralıq baylanıslardı bekkemlew, sırt el bilimlendiriw sisteması menen tanısıw hám óz ara tájiriybe almasıw imkaniyatına iye boldım. Men bunnan oǵada quwanıshlıman, – deydi ol biz benen sáwbette.

Institutımız studentleriniń bunday abıroylı xalıqaralıq joybarlarǵa belsene qatnasıwı – jaslarımızdıń bilim, baslama hám umtılıslarınıń jarqın kórinisi bolıp tabıladı.

NMPI baspasóz xızmeti.