Ájiniyaz atındaǵı Nókis mámleketlik pedagogikalıq institutında Ózbekstan jaslar awqamı Qaraqalpaqstan Respublikası Keńesi baslıǵı Murat Kamalov instituttıń baslanǵısh shólkem koordinatorları, belsendi student-jasları menen ushırasıp, olardıń pikir hám usınısların tıńladı.

Ushırasıw dawamında studentler oqıw procesi, ilimiy izleniwler, bos waqtın nátiyjeli shólkemlestiriw, sonday-aq, shet tillerin úyreniw boyınsha usınısların bildirdi.

Ilajda jaslardıń baslamaları qollap-quwatlanatuǵınlıǵı, olardıń bilim alıwı hám qábiletlerin rawajlandırıwı ushın barlıq sharayatlar jaratılıwı atap ótildi.

Ushırasıwdan soń Murat Kamalov institutta jaslar ushın jaratılǵan sharayatlar menen tanıstı.

NMPI baspasóz xızmeti.