Ájiniyaz atındaǵı Nókis mámleketlik pedagogikalıq institutı Mektepke shekemgi hám baslawısh tálim fakulteti mektepke shekemgi tálim kafedrasınıń oqıtıwshısı Zamira Seytekova tárepinen paytaxtımız Nókis qalasındaǵı 3-sanlı mektepke shekemgi bilimlendiriw shólkeminde ámeliyat sabaqları shólkemlestirildi.

Sabaq dawamında mektepke shekemgi tálim baǵdarınıń 2-J toparınıń ámeliyatshı studentleri teoriyalıq bilimlerin ámeliyatta bekkemlew arqalı balalar menen islesiw procesinde zamanagóy pedagogikalıq qatnaslardan paydalanıw kónlikpelerine iye boldı.

Kafedra oqıtıwshısı Zamira Seytekova basshılıǵında student-jaslar tárbiyalıq processti shólkemlestiriw, balalardıń jas hám individuallıq ózgesheliklerin esapqa alǵan halda tálim-tárbiya jumısların jobalastırıw, sonday-aq, oyın texnologiyaların qollanıw boyınsha ámeliy tájiriybe arttırdı.

NMPI baspasóz xızmeti.