Búgin, 5-noyabr kúni Qatar mámleketinde futbol boyınsha Ózbekstan U-17 saylandı komandası Jáhán chempionatındaǵı dáslepki oyının jeńis penen basladı.

Jerleslerimiz topardaǵı dáslepki oyında Paragvay mámleketi saylandı komandasın 1:2 esabı menen jeńdi.

Oǵada qızǵın túrde ótken oyındı kópshilik jerleslerimiz qatarında Ájiniyaz atındaǵı Nókis mámleketlik pedagogikalıq institutı jámááti hám student-jasları da onlayn tárizde baqlap bardı.

Jaslarımızdıń Jáhán chempionatındaǵı jeńisli adımları dawamlı bolıwına tileklespiz!

Jeńis qutlı bolsın!

NMPI baspasóz xızmeti.