Paytaxtımız Nókis qalasında Ózbekstan kásiplik awqamlarınıń 120 jıllıǵı hám 11-noyabr – Ózbekstan kásiplik awqamları kúni múnásibeti menen bayram ilajı shólkemlestirildi.

Ilajǵa Qaraqalpaqstan Respublikası Joqarǵı Keńesi Baslıǵınıń orınbasarı R.Nurazizov, Ministrler Keńesiniń Baslıǵı F.Ermanov qatnasıp, taraw xızmetkerlerin bayram menen qutlıqladı.

Bayram ilajı sheńberinde tarawda kóp jıllardan berli nátiyjeli jumıs islep atırǵan bir topar pidayı xızmetkerlerge kókirek hám estelik belgileri tapsırıldı.

Quwanıshlısı, solar qatarında Ájiniyaz atındaǵı Nókis mámleketlik pedagogikalıq institutı kásiplik awqamı komitetiniń baslıǵı Karamatdin Gúlimbetov «Joqarı bilimlendiriw aǵlası» kókirek belgisi menen sıylıqlandı.

Karamatdin Nızamatdinovichti institutımız rektoratı, miynet jámááti hám jámiyetlik shólkemleri atınan erisip atırǵan tabısları, sonday-aq, Ózbekstan kásiplik awqamlarınıń 120 jıllıǵı hám 11-noyabr – Ózbekstan kásiplik awqamları kúni múnásibeti menen shın júrekten qutlıqlap, aldaǵı mashaqatlı jáne maqtanıshlı jumıslarında tabıslar tileymiz.

NMPI baspasóz xızmeti.