Ájiniyaz atındaǵı Nókis mámleketlik pedagogikalıq institutı ilimiy isler hám innovaciyalar boyınsha prorektorı Quwanıshbay Seytnazarov Ellikqala fakulteti studentleri menen ushırasıw ótkerdi.

Ilaj dawamında prorektor studentlerge institutta ámelge asırılıp atırǵan ilimiy-izertlew jumısları, innovaciyalıq ideyalar hám jaslar ushın jaratılıp atırǵan imkaniyatlar haqqında tolıq maǵlıwmat berdi. Sonday-aq, startap joybarlardı qáliplestiriw, ilimiy grantlar tańlawlarında qatnasıw tártibi hám olardıń abzallıqları haqqında túsinikler berildi.

Ushırasıwda Quwanıshbay Seytnazarov studentlerdi óz ideyaları tiykarında innovaciyalıq joybarlar jaratıwǵa, ilimiy jumısta belsene qatnasıwǵa hám zamanagóy texnologiyalardı izertlew processlerine engiziwge shaqırdı.

Studentler ózlerin qızıqtırǵan sorawlar menen múrájat etip, ilimiy jumıstı bunnan bılay da rawajlandırıw boyınsha usınıslar bildirdi. Prorektor olardıń pikirlerin tıńlap, paydalı másláhátler berdi hám keleshektegi ilimiy birge islesiw baǵdarları haqqında sóz etti.