Aldın xabar bergenimizdey, búgin, 12-noyabr kúni Ájiniyaz atındaǵı Nókis mámleketlik pedagogikalıq institutında Qaraqalpaqstan Respublikası Sport ministrligi, sonday-aq, Joqarı bilimlendiriw, ilim hám innovaciyalar ministrligi tárepinen joqarı oqıw orınları studentleri arasında ótkerilgen «Bes baslama olimpiadası» sport jarıslarınıń Qaraqalpaqstan Respublikası basqıshı jeńimpazların sıylıqlaw máresimi bolıp ótti.

Institutımız student-jasları sport jarıslarında ózleriniń fizikalıq tayarlıǵı hám sport sheberliklerin kórsetip, joqarı nátiyjelerge eristi.

Atap aytqanda:

– Voleybol boyınsha er studentler komandamız 1-orın;
– Mini futbol boyınsha er studentler komandamız 2-orın;
– Voleybol boyınsha student qızlar komandamız 3-orın;
– Stritbol boyınsha er studentler komandamız 3-orındı iyeledi.

Voleybol boyınsha 1-orındı iyelegen er studentler komandamız respublikalıq basqıshqa jollamanı qolǵa kirgizdi.

NMPI baspasóz xızmeti.