Qádirli studentler!

Sizlerdi 17-noyabr – Xalıqaralıq studentler kúni múnásibeti menen shın júrekten qutlıqlayman!

Prezidentimiz tárepinen jaslarǵa jaratılıp atırǵan keń imkaniyatlar, bilimlendiriw tarawına qaratılıp atırǵan itibar – erteńgi kúnimiz esaplanǵan sizlerdiń tabıslarıńızǵa bolǵan isenimniń jarqın kórinisi esaplanadı.

Ájiniyaz atındaǵı Nókis mámleketlik pedagogikalıq institutında bilim alıp atırǵan mıńlaǵan qábiletli jaslar – búgingi jámiyetimizdiń eń belsendi qatlamı, keleshektiń bilimli oqıtıwshıları, pedagogika tarawınıń rawajlanıwına úles qosatuǵın pidayı qánigeler bolıp tabıladı.

Sizlerdiń hár bir izleniwińiz, hár bir tabısıńız – tek ǵana institutımızdıń emes, sonıń menen birge, pútkil elimizdiń keleshegi ushın úlken áhmiyetke iye.

Húrmetli studentler!

Sizlerge bekkem densawlıq, oqıwlarıńızda úlken tabıslar, dóretiwshilik párwazlar hám iygilikli maqsetlerińizdiń orınlana beriwin tileymen.

Húrmet penen,
Alisher Ubbiev,
Nókis mámleketlik pedagogikalıq institutınıń rektorı.