Paytaxtımız Nókis qalasındaǵı «Jasıl baǵ» mákan puqaralar jıyını aymaǵındaǵı arnawlı tayarlanǵan 10 gektarlıq jer maydanında bıyılǵı «Jasıl mákan» ulıwma milliy joybarınıń gúzgi máwsimine start berildi.

Ilajǵa mákeme, kárxana hám shólkemlerdiń wákilleri, joqarı oqıw orınlarınıń studentleri qatnastı.

Qorshaǵan ortalıqtı jasıl aymaqqa aylandırıw arqalı xalıqtıń abadan turmısın támiyinlewdi maqset etken bul joybarda Ájiniyaz atındaǵı Nókis mámleketlik pedagogikalıq institutınan 100 den aslam student-jaslar hám juwapker xızmetkerler belsendilik kórsetti.

Ilaj qatnasıwshıları belgilengen orınlarǵa miyweli hám dekorativ terek nállerin otırǵızdı.

NMPI baspasóz xızmeti.