Ájiniyaz atındaǵı Nókis mámleketlik pedagogikalıq institutında «Keleshek saatı» rubrikası tiykarında ótkerilip atırǵan «Aǵartıwshılıq sabaǵı»nıń 12-sanı Ózbekstan Respublikası mámleketlik bayraǵı qabıl etilgeniniń 34 jıllıǵına arnaldı.

«Ózbekstan bayraǵı» atamasında shólkemlestirilgen sabaq dawamında professor-oqıtıwshılar, pedagog xızmetkerler, tyutorlar hám basqa da qánigeler tárepinen mámleketimiz bayraǵınıń mámleketlik belgi sıpatındaǵı ornı hám roli, onıń áhmiyeti, bayraqtı húrmetlew hám qádirlew, mámleketlik bayraqtan paydalanıw hám oǵan húrmet kórsetiw qaǵıydaları haqqında keń túrde maǵlıwmatlar berilmekte.

Institutta «Keleshek saatı» rubrikası tiykarında «Aǵartıwshılıq sabaqları» dúyshembi, shiyshembi hám sárshembi kúnleri barlıq akademiyalıq toparlar kesiminde ótkeriledi.

NMPI baspasóz xızmeti.