Mámleketlik belgiler hámiyshe muqaddes hám ullı bolıp tabıladı. Óytkeni, ol xalıqtıń ótmishi, búgini hám keleshegin ózinde sáwlelendirgen Watanımızdıń jarqın kelbeti esaplanadı.

Bıyıl ǵárezsiz «Ózbekstan Respublikasınıń mámleketlik bayraǵı haqqında»ǵı Nızamınıń qabıl etilgenine 34 jıl tolmaqta.

Ózbekstan Respublikası Oliy Kengashınıń 1991-jıl 18-noyabrdegi gezekten tıs VII sessiyasında tastıyıqlanǵan mámleketlik bayraq – mámleketlik suverenitettiń simvolı bolıp, ol jer júziniń usı aymaqlarında ǵárezsiz Ózbekstan mámleketi bar ekenligin ańlatadı hám ózinde milliy-mádeniy dástúrlerimizdi jámleydi.

Búgin bayraǵımız xalıqaralıq maydanda, atap aytqanda, Ózbekstan Respublikasınıń rásmiy delegaciyalarınıń sırt ellerge saparları waqtında, xalıqaralıq shólkemlerde, konferenciyalarda, dúnya júzilik kórgizbelerde, sport jarıslarında ǵárezsiz Watanımızdı ańlatpaqta.

Búgingi bayram menen gúllán xalqımızdı institut rektoratı hám miynet jámááti atınan qutlıqlaymız!

NMPI baspasóz xızmeti.