Ózbekstan milliy kitapxanasında «INFOLIB Ózbekstan – 2025» XIV Milliy málimleme-kitapxana hápteligi shólkemlestirildi.

Háptelik sheńberinde siyrek ushırasatuǵın basılımlardı saqlaw, kataloglastırıw hám sanlı texnologiyalar járdeminde kitapqumarlar ushın imkaniyatlardı keńeytiw ámeliyatı, málimleme-kitapxana xızmeti nátiyjeliligin arttırıw, dúnya júzilik baspaxanalardıń elektron resurslarınan paydalanıw, tarawǵa jasalma intellekt imkaniyatların engiziw sıyaqlı máseleler boyınsha seminar-treningler, dógerek sáwbetleri hám sheberlik sabaqları bolıp ótti.

Háptelikte ótkerilgen ilajlarǵa belsene qatnasqan Ájiniyaz atındaǵı Nókis mámleketlik pedagogikalıq institutı málimleme-resurs orayınıń direktorı Gúlayım Jiyemuratova hám jetekshi qánige Gúlnaz Turımbetova sertifikatlar menen sıylıqlandı.