Ájiniyaz atındaǵı Nókis mámleketlik pedagogikalıq institutı Ellikqala fakultetinde «Bir Watan, bir el, bir bayraq» súreni tiykarında «Milliy maqtanıshımız tımsalı – muqaddes bayraǵımız» atamasındaǵı ruwxıy-aǵartıwshılıq ilaj ótkerildi.

Ilajda mámleketimiz bayraǵınıń jaratılıw tariyxı, onda jámlengen reńler hám belgilerdiń mánisi haqqında qızıqlı maǵlıwmatlar berildi.

Bayram ilajında ustazlar hám qábiletli studentler shıǵıp sóylep, bayraǵımız tek ǵana ǵárezsizligimizdiń belgisi emes, al millet sıpatındaǵı awızbirshiligimiz, tınısh hám abadan turmısqa bolǵan umtılısımızdıń tımsalı ekenin ayrıqsha atap ótti.

Ilaj dawamında bayraqqa baǵıshlanǵan qosıqlar, ayaq-oyınlar atqarılıp, videorolikler kórsetildi. Bul arqalı qatnasıwshılarda watanǵa muhabbat hám maqtanısh sezimi jáne de kúsheydi.