Ájiniyaz atındaǵı Nókis mámleketlik pedagogikalıq institutında Ózbekstan Respublikası Konstituciyası kúni bayramı múnásibeti menen studentler hám magistrantlar arasında «Konstituciya – erkin hám abadan turmıs girewi» atamasındaǵı ilimiy maqalalar tańlawı shólkemlestirilmekte.

Tańlaw eki basqıshta – institut hám respublikalıq basqıshta ótkeriledi.

Tańlawdıń institut basqıshı ushın ilimiy maqalalar usı jıldıń 21-noyabr kúnine shekem qabıllanadı. Olar arasınan 1-, 2-, 3-orınlardı iyelegen ilimiy jumıslar Joqarı bilimlendiriw, ilim hám innovaciyalar ministrliginde dúzilgen Ekspertler toparına usınıladı.

Tańlawdıń respublikalıq basqıshı usı jıldıń dekabr ayında ministrlikte dúzilgen Ekspertler toparı tárepinen ótkerilip, tańlawǵa usınılǵan ilimiy jumıslardı ekspertizadan ótkeriw hám materiallardı toplam kórinisinde basıp shıǵarıw ushın saylanadı.

Tańlawǵa materiallar ózbek, rus hám inglis tillerinde qabıllanadı.

Ilimiy maqalalar belgilengen kriteriyalar tiykarında 100 ballıq sistemada bahalanadı.

Qosımsha maǵlıwmatlardı instituttıń ziyrek studentlerdiń ilimiy-izertlew jumısların shólkemlestiriw bóliminen alıwıńız múmkin.

Maǵlıwmat ushın telefonlar:
+998913878744
+998906533178