Ájiniyaz atındaǵı Nókis mámleketlik pedagogikalıq institutında úzliksiz (akademiyalıq tánepissiz) kúndizgi bilimlendiriw baǵdarlarında oqıp atırǵan 2-, 3- hám 4-kurs studentleri arasında «Eń belsendi jıl studenti» respublikalıq tańlawınıń institut basqıshı bolıp ótti.

Ulıwma 7 nominaciya boyınsha ótkerilgen tańlawǵa 80 ge shamalas student-jaslardan hújjetler kelip tústi.

Tańlawdıń ashılıw ilajında instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Quvondiq Qodirov qatnasıp, barlıq qatnasıwshılarǵa áwmet tiledi.

Tańlawdıń belgilengen ustav talapları tiykarında ótiwi, sonday-aq, studentlerdiń miynetleri ádil túrde bahalanıwın támiyinlew maqsetinde shólkemlestiriwshiler tárepinen tóreshiler quramı aǵzaları tastıyıqlandı.

Tóreshiler quramı aǵzaları qatnasıwshılar menen sáwbet ótkerip, olardıń hújjetlerin úyrenip shıqtı.

Tańlaw juwmaqları boyınsha qosımsha maǵlıwmat beriledi.

NMPI baspasóz xızmeti.